Stórkostlegt framtak

Stórkostlegt framtak Sýslumannsins á Selfossi að ætla að gera mótorhjól ökunýðinga upptæk.  Mér finnst það reyndar ganga of skammt og tel að menn sem verða uppvísir að glæfraakstri á allt að 200 kílómetra hraða eigi jafn mikið skilið fangelsisdóm og maður sem skýtur í allar áttir úr haglabyssu á almannafæri.

 

Ég velti því fyrir mér hvernig maður eigi að taka margbirtum auglýsingum mótórhjólamanna undanfarna mánuði um að taka tillit til þeirra í umferðinni, þegar tillitsleysi stórs hluta þeirra sjálfra virðist algjört gagnvart öðrum borgurum í umferðinni.  Ég velti því líka fyrir mér hvort það sé ekki af tillittsemi við samborgarana að það virðist vinsælast í dag meðal mótorhjólamanna að hávaðinn frá mótorhjóli þeirra sé sem allra mestur.   Kærar þakkir fyrir það !  Það er nefninlega svo yndislega gaman að hafa mótorhjóladrunur í eyrunum hvenær sem er dags eða nætur.

 

Sorry en fyrir mér er í  bara að verða samansemmerki á milli mótorhjólamanna, ofbeldis og glæpamanna.

Vill að mótorhjólin verði gerð upptæk

Athugasemdir

[Ragnheiður Ólafía Davíðsdóttir, 15.6.2007 kl. 10:43]

Heyr, heyr. Hjartanlega sammála. Það er löngu orðið tímabært að setja ökuníðinga undir sama hatt og aðra ofbeldismenn í samfélaginu.

[Óskar Þorkelsson, 15.6.2007 kl. 11:02]

sá vægir sem vitið hefur meira.. vélhjólamenn lenda oftar í slysum vegna óaðgæslu annara ökumanna en þeirra sjálfra.. vélhjólamenn eru eins misjafnir og þeir eru margir.. á vorin eru þeir eins og beljurnar sem eru nýsloppnar út í ferka loftið og frelsið..

Tökum tillit til vélhjólamanna og vonumst til þess sama frá þeim.